Əslən Masallının Bədəlan kəndindən olan Əməkdar artist Baloğlan Əşrəfovun oğulları "Günün sədası" verilişində qonaq olublar.
Veriliş zamanı oğlu onun ölümünü hiss etdiyini söylədi: "Son günündə bir-bir hamıya zəng vurub halallaşırdı. Deyirdi ki, filankəsi çağıraq. Səhər övladlarını, gəlinləri çağırdı, danışdı, görüşdü. Hiss edirdi öləcəyini. Həmin günün axşamı vəfat etdi”.
Həmçinin oğlu atasının vəsiyyətini də açıqladı: “Atam vəsiyyətini ölümündən bir gün əvvəl mənə mesajla göndərib. Talış dilində yazıb: "Mənim balam, yaman qorxuram. Allah məni çox istəyir, istəyir aparsın yanına. Allah balalarını saxlasın. Evin böyüyü sənsən, hər şey qanunla belə olmalıdır. Narahat olma, ev sənin üstünədir".
Qeyd edək ki, Baloğlan Əşrəfov 2021-ci ilin aprel ayında koronavirusdan dünyasını dəyişib.
