Torpaq çərşənbəsi Novruz çərşənbələrinin sonuncusu hesab edilir. Bu gün, həmçinin “Yer çərşənbəsi” və ya “İlaxır çərşənbə” kimi tanınır.
Çərşənbələrdən ən böyük təmtəraqla keçirilən axır çərşənbə axşamıdır. Həmin gün Cənub bolgəsində bütün evlərdəki bayram süfrələrində mütləq kürülü balıq, kükü və tərə olmalıdır. Bu yeməklər insanları qışdan yaza sağlam çıxaran, bolluğa kökləyən nemətlər hesab edilir.
Cənub bölgəsində bu çərşənbədə hər həyətdə 7 tonqal qalanır, böyüklü-kiçikli hər kəs onun üzərindən ən azı 3 dəfə atlanır.
Qədim adətə görə, Cənub bölgəsində İlaxır çərşənbəsindən bir gün sonra, yerli əhali bəzəkli bardaqlarla axar suyun üstünə gedir. Burada insanlar öz arzu və istəklərini suya deyirlər, həmçinin həmin sudan evlərinə aparırlar. İnanca görə, həmin gün edilən dualar qəbul edilir.
