Masallı rayonu Mollahəsənli kənd R.Əliyev adına tam orta məktəbinin 2015-ci il məzunu olmuş Nərgiz Məmmədova ABŞ-nin Harvard Universitetinin magistratura pilləsinə qəbul alıb. Bu haqda məlumatı Cenublu.az bu gün, 17 iyul tarixində verir.
Nərgiz Məmmədova İqtisadiyyat fakültəsi üzrə bakalavr təhsilini 2015-2020-ci illərdə ADA Universitetində, İqtisadiyyat fakültəsi üzrə Birinci Magistratura təhsilini isə Rusiyanın Ali İqtisadi Məktəbində 2020-2022-ci illərdə alıb.
O, “2022-2026 Dövlət Proqramı” çərçivəsində Harvard Universitetində Beynəlxalq İnkişafda Dövlət İdarəçiliyi (Master of Public Administration in International Development, MPA/ID) ixtisası üzrə təhsil alacaq.
Nərgiz Məmmədova 2015-ci ildə məktəbi qurtarıb və 600 balla universitetə qəbul olub. O, Mollahəsənli kənd tam orta məktəbinin tədris işləri üzrə direktor müavini Afət Məmmədovanın qızıdır.
