“Masallı Gənclər Evi” sosial xidmət müəssisəsinin inzibati binasında “Xəmsə” Milli İntellektual Oyunu üzrə rayon birinciliyi keçirilib. Bu haqda məlumatı Cenublu.az bu gün, 25 avqust tarixində verir.
Yarışın keçirilməsində əsas məqsəd ulu öndər Heydər Əliyevin zəngin irsinin gənclər arasında təbliği, intellektual oyunların daha geniş gənclər kütləsi arasında keçirilməsinə imkan yaratmaq, gənclərin asudə vaxtlarının səmərəli keçirilməsidir.
Mübarizə şəraitində keçən “Xəmsə” Milli İntellektual Oyunu üzrə rayon birinciliyinin yekununda qalib komandalar müəyyənləşdirilib, onlara diplomlar və simvolik hədiyyələr təqdim olunub.
Qeyd edək ki, oyun Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və “Masallı Gənclər Evi” sosial xidmət müəssisəsinin birgə təşkilatçılığı ilə baş tutub.
