Masallı rayonu, Ərkivan qəsəbə sakini olan 17 yaşlı qız qaçırılıb. Bu haqda məlumatı Cenublu.az bu gün, 10 mart tarixində Qafqazinfo-ya istinadən verir.
Hadisə 9 mart tarixində qeydə alınıb. 11-ci sinif şagirdi olan və repetitor yanından evə qayıdan qız bir neçə nəfər tərəfindən maşına mindirilərək qaçırılıb. 18 yaşı noyabrda tamam olacaq şagirdin ailəsinin polisə müraciətindən sonra o tapılıb və ailəsinə təhvil verilib.
DİN-in mətbuat xidmətinin Lənkəran regional qrupunun baş inspektoru, polis kapitanı Məhəmməd Rzayev bildirib ki, hazırda faktla bağlı Masallı Rayon Polis Şöbəsində araşdırma aparılır: “Müraciətlə əlaqədar keçirilən müvafiq tədbirlər nəticəsində qızın yeri müəyyən olunub və o gətirilərək ailəsinə təhvil verilib. 17 yaşı tamam olmuş həmin qız izahatında bildirib ki, zorla qaçırılmayıb. Evlənmək məqsədilə özü könüllü şəkildə gedib”.
Qeyd edək ki, Azərbaycanda nikaha daxil olma yaşı 18 yaş müəyyən edilib.
