Masallıda “İnsan alverinə qarşı mübarizədə təbliğat və maarifləndirmə işinin gücləndirilməsi” mövzusunda maarifləndirici seminar keçirilib. Bu haqda məlumatı Cenublu.az bu gün, 29 noyabr tarixində Masallı rayon Gənclər və İdman İdarəsinə istinadən verir.
Seminarı giriş sözü ilə Masallı rayon Gənclər və İdman İdarəsinin rəisi Sabiq Cahangirov açaraq bu seminarın rayon gəncləri üçün böyük əhəmiyyətindən danışıb və gənclərə uğurlar arzulayıb.
Daha sonra Ombudsmanın Cənub Regional Mərkəzinin rəhbəri Ziya İsmayılov təqdimatla çıxış edərək, insan alveri anlayışı, insan alveri qurbanları, onların sosial və hüquqi müdafiəsi və insan alverinə qarşı mübarizədə bu cür maarifləndirici seminarların həyata keçirilməsinin böyük əhəmiyyəti olduğunu diqqətə çatdırıb.
Diskussiya şəklində davam edən seminar gənclər tərəfindən böyük maraqla qarşılanıb və gəncləri düşündürən suallar cavablandırılıb.
Qeyd edək ki, tədbir Masallı rayon Gənclər və İdman İdarəsinin, “Masallı Gənclər Evi” SXM-in və Ombudsmanın Cənub Regional Mərkəzinin birgə təşkilatçılığı ilə baş tutub.
