Masallıda Ramazan ayı ilə əlaqədar iftar süfrəsi təşkil olunub. Bu haqda məlumatı Cenublu.az bu gün, 5 aprel tarixində verir.
Tədbirdə Masallı Rayon İcra Hakimiyyətinin başçısı Araz Əhmədov və aparatı, hüquq-mühafizə orqanları, idarə, müəssisə, təşkilat, dini icma rəhbərləri, şəhid ailələri, müharibə əlilləri, müharibə iştirakçıları, aztəminatlı ailələr və kütləvi informasiya vasitələrinin nümayəndələri iştirak ediblər.
Qafqaz Müsəlmanları İdarəsinin Masallı rayonu üzrə Qazısı Rəşid Talıbov və Qafqaz Müsəlmanları İdarəsinin səlahiyyətli nümayəndəsi Məftun Hüseynov tədbir zamanı “Qurani-Kərim”dən ayələr oxuyub, xalqımızın və dövlətimizin firavanlığı, əmin-amanlığı üçün dualar ediblər.
