FHN-in Cənub Regional Mərkəzi tərəfindən Masallı rayon Bədəlan kənd tam orta məktəbində maarifləndirmə tədbiri təşkil olunub. Bu haqda məlumatı Cenublu.az bu gün, 7 oktyabr tarixində verir.
Tədbirin keçirilməsində məqsəd baş verə biləcək təbii və texnogen xarakterli fövqəladə hadisələrlə bağlı zəruri davranış qaydaları barədə vətəndaşlara müvafiq biliklərin verilməsi olub.
İnteraktiv formada keçirilən tədbirdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə məlumat verilib, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
