Masallı rayonunun Z.Nəcəfov adına Ərkivan qəsəbə 2 nömrəli tam orta məktəbində “Dini radikalizm və ekstremizmlə mübarizədə gənclərin rolu” mövzusunda görüş təşkil olunub. Bu haqda məlumatı Cenublu.az bu gün, 7 oktyabr tarixində verir.
Tədbirdə Masallı rayonu üzrə gənclər və idman sektorunun əməkdaşları, Dövlət Komitəsinin Masallı bölgəsi üzrə şöbəsinin rəhbəri, müəllimlər və yuxarı sinif şagirdləri iştirak ediblər.
Çıxışlarda dini radikalizm və ekstremizmin fəsadlarından bəhs edilib və şagirdləri maraqlandıran suallar cavablandırılıb.
Tədbirin sonunda iştirakçılar Dini Qurumlarla İş üzrə Dövlət Komitəsinin sifarişi ilə çəkilmiş “Fitnə” sənədli filmini izləyiblər.
