Aprel döyüşlərinin ildönümü ilə əlaqədar olaraq “Qəhrəmanlar unudulmur” aksiyası çərçivəsində Aprel döyüşləri şəhidləri Nurlan Əsgərli və Firdovsi Bağırzadənin ailə üzvləri və məzarları ziyarət olunub. Bu haqda məlumatı Cenublu.az bu gün, 3 aprel tarixində verir.
“Masallı Gənclər Evi” sosial xidmət müəssisəsinin kollektivi, könüllüləri və Lənkəran–Astara Regional Gənclər və İdman İdarəsinin Masallı rayonu üzrə gənclər və idman sektoru əməkdaşlarının birgə təşkilatçılığı ilə baş tutan ziyarət zamanı çıxış edənlər Aprel döyüşlərində erməni işğalçılarının cəbhədə törətdikləri təxribatlara Azərbaycan Ordusunun verdiyi layiqli cavabdan, hərbçilərimizin döyüşlərdə göstərdikləri şücaətdən və qazanılan qələbənin əhəmiyyətindən bəhs edib, həmçinin şəhidlərin əziz xatirəsinin qəlblərdə daim yaşayacağını bildiriblər.
