Masallı rayon Mərkəzi Kitabxanasında kitabxananın və Tarix-Diyarşünaslıq Muzeyinin birgə təşkilatçılığı ilə akademik Zərifə Əliyevanın anım günü ilə əlaqədar dəyirmi masa keçirilib. Bu haqda məlumatı Cenublu.az bu gün, 15 aprel tarixində verir.
İlk növbədə akademik Zərifə Əliyevanın əziz xatirəsi bir dəqiqəlik sükutla yad edilib. Tədbirdə muzey əməkdaşları, kitabxana işçiləri və Firudin Dəmirov adına Təklə kənd orta məktəbinin 8-ci sinif şagirdləri iştirak ediblər.
Tədbirdə dünya oftalmologiya elminin inkişafına dəyərli töhfələr vermiş Zərifə Əliyevanın həyat və fəaliyyəti haqqında ətraflı məlumat verilib. Həmçinin Zərifə Əliyevanın zəngin irs qoyaraq, öz tədqiqatları, fundamental əsərləri ilə Azərbaycan tibb elminin inkişafında misilsiz xidmətlərindən bəhs edilib.
Yekunda məktəblilər akademik Zərifə Əliyevanın həyat və yaradıcılığına həsr olunmuş guşəyə baxıb, kitabxana fondunun tərkibi və ondan istifadə qaydaları ilə tanış olublar.
