Masallıda fəaliyyət göstərən Sosial Sahibkarlıq və Məşğulluq Mərkəzinin fəaliyyəti ilə tanışlıq məqsədilə tədbir baş tutub. Bu haqda məlumatı Cenublu.az bu gün, 15 avqust tarixində verir.
Tədbirdə ilk olaraq mərkəzin fəaliyyəti ilə bağlı məlumat verilib. Daha sonra qeyd edilib ki, sağlamlıq imkanları məhdud və sosial cəhətdən həssas qruplara aid şəxslərin, o cümlədən şəhid ailələri üzvlərinin, müharibə veteranlarının müvafiq peşə biliklərinə yiyələnmələri üçün yaradılan Mərkəzdə 100-dən çox şəxs aktual istiqamətlər üzrə peşə hazırlığı kurslarına cəlb edilib.
Qeyd edək ki, peşə və biznes təlimlərini uğurla başa vuran şəxslər daha sonra özünüməşğulluq proqramına yönləndirilir, həmçinin mərkəzin tərəfdaşları tərəfindən iştirakçılara biznes-planın hazırlanması, sahibkarlıq fəaliyyətinin idarə olunması və inkişafı sahəsində məsləhət xidmətləri göstərilir.
