Masallıda sürücünün avtomobilində külli miqdarda narkotik vasitələr aşkarlanıb. Bu haqda bu gün, 13 mart tarixində Cenublu.az Report.az-a istinadən xəbər verir.
Əkbərov Cavid Nuru oğlunun idarə etdiyi "Hyundai Elantra" markalı 99-VP-411 nömrə nişanlı avtomobil Masallı rayonu ərazisində yerləşən Baş Dövlət Yol Polisi İdarəsinin 726 saylı YPX postunda saxlanılıb. Sürücünün hərəkətləri şübhə doğurduğundan o, tibbi müayinədən keçirilib. Bu zaman onun narkotik vasitənin təsiri altında olduğu aşkar edilib.
Sürücü C.Əkbərovun idarə etdiyi avtomobilə baxış zamanı ümumi çəkisi 3 kq 550 qram olan müxtəlif növ narkotik maddə (2 kq 850 qram heroin, 700 qram metamfetamin) aşkar edilərək götürülüb. Sürücü rayon Polis Şöbəsinə təhvil verilib.
Faktla bağlı araşdırma aparılır.
[caption id="attachment_35012" align="alignnone" width="336"]
Report.az[/caption]
