Masallı Sənaye Məhəlləsində müəssisəyə rezidentlik statusu verilib. Bu haqda bu gün, 17 oktyabr tarixində Cenublu.az Apa.az-a istinadən xəbər verir.
“SADIQ 06” MMC artıq İqtisadi Zonaların İnkişafı Agentliyinin (İZİA) idarəçiliyində olan Masallı Sənaye Məhəlləsinin rezidentliyi statusunu daşıyacaq. Bununla da məhəllədə rezidentlərinin sayı 10-a çatıb.
Əldə olunan məlumata əsasən, “SADIQ 06” MMC Masallı Sənaye Məhəlləsinin ərazisində tütünün qurudulması və emalını həyata keçirən müəssisə inşa edəcək. İnvestisiya həcmi 1,9 milyon manat nəzərdə tutulan şirkətdə 300 yeni iş imkanı yaradıla biləcək.
