Masallıdan olan Vətən müharibəsinin şəhidi, Azərbaycan silahlı qüvvələrin baş giziri İntiqam Abbasovun oğlu bu ilki qəbul imtahanında tələbə adı qazanıb. Bu haqda məlumatı Cenublu.az bu gün, 3 sentyabr tarixində verir.
Belə ki, qəhrəmanımızın övladı Əli Abbasov Bakı Dövlət Universitetinin Maliyyə ixtisası üzrə təhsil alacaq.
Qeyd edək ki, İntiqam Abbasov Masallı rayonunun Köcəkli kəndində anadan olub. O, Aprel döyüşlərinin iştirakçısı olub və Cəbrayıl rayonunun Lələtəpə zirvəsinin azad olunmasında qəhrəmanlıq göstərib.
Vətən müharibəsi zamanı tankçı olaraq iştirak edib. Füzuli uğrunda gedən döyüşlərdə şəhidlik zirvəsinə ucalıb. Masallı rayonunun Köcəkli kəndində dəfn olunub.
