Bu gün, 30 noyabr tarixində Masallıda qazın verilişində məhdudiyyət yaranacaq. Bu haqda məlumatı Cenublu.az Lənkəran Regional Qaz İstismarı İdarəsinə istinadən verir.
Masallı rayonunun Tüklə kəndində diametri 325-mm-lik boruda olan sızmanın aradan qaldırılmasından ötrü Boradigah qəsəbəsi, Bədəlan, Babaser, Türkoba və Tüklə kəndlərinin ümumilikdə 6700 abonentinin qaz təchizatı saat 10:00-dan iş yekunlaşana qədər dayandırılacaq.
Sakinlərdən qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.
