Masallıda gənclər üçün “Media savadlılığı” mövzusunda təlim keçirilib. Bu haqda məlumatı Cenublu.az bu gün, 20 sentyabr tarixində Masallı RİH-yə istinadən verir.
Gənclərin İnkişaf və Karyera Mərkəzinin (GİKM) Masallı nümayəndəliyinin təşkilatçılığı ilə təlimçi Məlik Nuriyevin təqdimatında keçirilən təlimdə “Media savadlılığı nədir?”, “Media savadlılığına giriş”, “Hansı media vasitələrini tanıyırıq”, “Media vasitələrinin analizi”, “Dünyada və Azərbaycanda media”, “Müxtəlif medialar xəbəri necə işıqlandırır?” kimi mövzulardan danışılıb.
Təlim zamanı gənclər müxtəlif media vasitələrində yayımlanan xəbərləri analiz etmək, faktları araşdırmaq, dezinformasiyaya inanmamaq kimi bir sıra mövzular ətrafında müzakirələr aparıblar.
Sonda gənclər komandalara bölünərək tapşırıqlar yerinə yetiriblər.
