Masallı rayon icra başçısı Araz Əhmədov və Milli Məclisin deputatı Məşhur Məmmədov Masallıdan olan yaralıları Bakı şəhərində yerləşən Silahlı Qüvvələrin Baş Klinik Hospitalında ziyarət ediblər. Bu haqda məlumatı Cenublu.az bu gün, 20 sentyabr tarixində Masallı RİH-yə istinadən verir.
Ziyarət zamanı onlar Ermənistan silahlı qüvvələrinin Azərbaycan-Ermənistan dövlət sərhədində törətdiyi genişmiqyaslı təxribatın qarşısını alarkən yaralanmış Masallı rayonundan olan hərbi qulluqçular - Köçəkli kənd sakini Şamıyev Əliş Əhməd oğlu, Viləş kənd sakini Hüseynov Ceyhun Fərəməz oğlu, Qarğalıq kənd sakini Məmmədov Rasim Nicat oğlu, Ərəb kənd sakini Qasımov İbarət Məhərrəm oğlu və Qədirli kənd sakini Quliyev Nərməddin Azər oğlunun səhhəti ilə maraqlanıblar və onları narahat edən məsələlər barədə söhbət aparıblar.
[URIS id=23392]
