Masallıda gənclərin kompüter bilik və bacarıqlarını inkişaf etdirmək məqsədilə təlimlər keçirilib. Bu haqda bu gün, 2 dekabr tarixində Cenublu.az Gənclər Təşkilatları Milli Şurasına istinadən xəbər verir.
2 gün davam edən təlimlərdə ucqar regionlarda yaşayan gənclərin İT savadlılığının artırılması, gələcəkdə bu sahədə karyera və iş imkanları, həmçinin texnologiyaların və sosial mediaların bu qədər sürətlə inkişaf etdiyi dövrdə sosial şəbəkələrdən düzgün istifadə qaydaları təbliğ edilib.
Tədbir Gənclərin Sosial İnkişafına Dəstək İctimai Birliyinin təşəbbüsü ilə keçirilib. Masallı və Astara rayonlarını əhatə edən təlimlərin hər birində 15 gənc olmaqla ümumilikdə 30 gənc iştirak edəcək. Layihənin Astara fazası 3-4 dekabr tarixlərini əhatə edəcək.
