Ötən gün Masallı şəhərində ticarət mərkəzində baş vermiş yanğında xəsarət alanların sayı 7 nəfərə çatıb. Bu haqda məlumatı Cenublu.az bu gün, 7 oktyabr tarixində verir.
TƏBİB-dən verilən məlumata görə, yanğının qarşısını almaq üçün 4 təcili yardım briqadası cəlb edilib.
Belə ki, yanğın nəticəsində xəsarət alan 7 kişi təcili tibbi yardım briqadası tərəfindən Rayon Mərkəzi Xəstəxanasına təxliyə olunub.
Xəsarət alanlardan 6 nəfər yanğın tüstüsünün təsiri, 1 nəfər isə sol saidin kəsilmiş yarası diaqnozu alıblar. Zərərçəkənlərə dərhal zəruri tibbi yardım göstərilib, sol saidin kəsilmiş yarası diaqnozu alan şəxs isə ambulator müalicə üçün evə buraxılıb.
Digər 6 zərərçəkmişin müalicəsi davam etdirilir.
Qeyd edək ki, dünən Cenublu.az bazarda baş vermiş yanğın haqda məlumat vermişdi.
