Masallıda məşhur güləşçi, yunan-Roma güləşi üzrə SSRİ idman ustası, Azərbaycanın əməkdar məşqçisi, respublika dərəcəli hakim, mərhum Nadir Yaqub oğlu Ağayevin anadan olmasının 87 illiyi münasibətilə xatirəsi anılıb. Bu haqda məlumatı Cenublu.az bu gün, 23 sentyabr tarixində Masallı rayon Gənclər və İdman İdarəsinə istinadən verir.
Görüş zamanı Nadir Ağayevin mənalı həyat və fəaliyyətindən bəhs edilib, yetirmələrinin bu şəxs haqqında xatirələri dinlənilib.
Çıxışlarda adı Azərbaycan güləşinin təşəkkülü və inkişafı ilə bağlı olan, idman tariximizdə şərəfli iz buraxan məşqçi-müəllim, ustad pedaqoq, ziyalı, unudulmaz və xeyirxah insan N.Ağayev cənub bölgəsində milli güləş yaradıcılarının öncüllərindən biri kimi səciyyələndirilib, Nadir Ağayev güləş məktəbi ənənələrinin bu gün uğurla davam etdirildiyi vurğulanıb.
