Masallıda aparılan qaz siyirtməsinin təmiri və kəmərinin sınaq edilməsi ilə əlaqədar mavi yanacağın təchizatında məhdudiyyətlər yaranıb. Bu haqda bu gün, 19 sentyabr tarixində Cenublu.az Lənkəran Regional Qaz İstismatı İdarəsinə istinadən xəbər verir.
Rayonun Köhnə Alvadı kəndində diametri 200 mm-lik siyirtmənin təmiri ilə əlaqədar Meşəkənarı, Köhnə Alvadı, Böyük Xocavar, Tatyanoba, Güllütəpə, Bambaşı və Yeyənkənd kəndlərinin ümumilikdə 3200 abonentinin qaz təchizatı işlər yekunlaşana qədər dayandırılıb.
Həmçinin “Tüklə” ölçü qovşağından qidalanan, Mahmudavar, Tüklə və Şatroba kəndlərini təbii qazla təmin edən qaz kəmərinin kipliyə sınaq edilməsi ilə əlaqədar Mahmudavar, Tüklə və Şatroba kəndlərində ümumilikdə 1900 abonentin qaz təchizatının 20 sentyabr saat 11:00-dan işlər yekunlaşana qədər dayandırılması planlaşdırılır.
