Lerik rayonunu Yardımlı rayonu ilə birləşdirən yolda yeganə körpünü sel aparıb. Bu haqda məlumatı Cenublu.az bu gün, 12 aprel tarixində Musavat.com-a istinadən verir.
Məlumata görə, bu barədə yerli sakinlər sosial şəbəkədə məlumatlar paylaşıblar. Onlar aidiyyəti qurumlardan yardım istəyiblər.
Qeyd olunub ki, Ağçay çayı üzərindəki körpünün uçması nəticəsində Lerik və Masallı sakinlərinin bu istiqamətdən əlaqələri kəsilib. Bu halda yerli əhali Lənkərandan Masallıya, oradan da paytaxta qədər uzun yol qət etmək məcburiyyətində qalacaq.
