Bu gün Vətən müharibəsi şəhidimiz – Cavad Hüseynovun doğum günüdür.
Cavad Cavid oğlu Hüseynov 1998-ci il sentyabrın 16-da Lerik rayonunun Çayrud kəndində anadan olub.
Cavad Hüseynov 2019-cu ildə Lerik rayon hərbi komissarlığı tərəfindən həqiqi hərbi xidmətə çağırılıb və Goranboy rayonunda yerləşən "N" saylı hərbi hissəyə yola salınıb. Orada 3 ay müddətində xidmət etdikdən sonra Ağdam rayonunda yerləşən "N" saylı hərbi hissədə xidmətini davam etdirib.
O, Vətən müharibəsində savaşıb. Cavad Hüseynov 2020-ci il oktyabrın 17-də Suqovuşan ərazisində gedən döyüşlərdə şəhid olub.
Cavad Hüseynov "Vətən uğrunda", "Cəsur döyüşçü" və "Suqovuşanın azad olunmasına görə" medalı ilə təltif edilib.
