Sabirabadda 14 yaşına çatmayan qardaşı qızına qarşı əxlaqsızlıq edən 1966-cı il təvəllüdlü Sədrəddin Qocamanovun (ad-soyad şərtidir) məhkəmə prosesi başa çatıb.
Məlum olub ki, 60 yaşlı Sədrəddinin arvadı 2022-ci ildə öldükdən sonra o, mərhum qardaşının həyat yoldaşı ilə qeyri-rəsmi nikaha daxil olub. Onların arasında molla kəbini kəsilib. Bir müddət sonra isə Sədrəddin qardaşının əqli və fiziki inkişaf geriliyi olan, 2014-cü il təvəllüdlü qızına qarşı seksual xarakterli hərəkətlər etməyə başlayıb.
Sədrəddin azyaşlı qızın anasının I qrup gözdən əlilliyi olmasından istifadə edərək, hər hansı müqavimətlə qarşılaşmayacağını düşünüb.
Daha sonra qadın Sədrəddinin əxlaqsız hərəkətlərindən xəbərdar olub və bu barədə DİN-in 102 xidmətinə şikayət edib.
Toplanmış materiallarla Sədrəddin Qocamanovun cinayət əməli hərtərəfli sübuta yetirilib.
Lənkəran Ağır Cinayətlər Məhkəməsinin hökmünə əsasən, Cinayət Məcəlləsinin 150.3.3-cü maddəsi ilə təqsirləndirilən şəxs 16 il 6 ay müddətinə azadlıqdan məhrum edilib.
Mənbə: xitab24.аz
