Sabirabad şəhərinin Babək küçəsində yaranan antisanitar vəziyyət sakinlərin narazılığına səbəb olub.
Cenublu.az xəbər verir ki, əraziyə uzun müddətdir zibil qutuları yerləşdirilmədiyindən məişət tullantıları yol kənarına atılır. Nəticədə küçənin müxtəlif hissələrində iri zibil yığınları yaranıb və ərazidə xoşagəlməz mənzərə formalaşıb.
Şikayətçilər bildirirlər ki, küçənin uzun müddətdir təmizlənmədiyi də müşahidə olunur. Onlar aidiyyəti qurumlardan Babək küçəsində təmizlik işlərinin aparılmasını və tullantıların toplanması üçün zibil qutularının quraşdırılmasını xahiş edirlər.
Qeyd edək ki, Babək küçəsi Sabirabad şəhərində gediş-gəlişin intensiv olduğu mərkəzi küçələrdən biridir.
