Tədris ili yaxınlaşdıqca tələbələri düşündürən suallardan biri də qəbul olduğu universitetin yataqxanasının vəziyyətidir. Məsələ ilə bağlı Lənkəran Dövlət Universitetinin mətbuat katibi Esmira İsmayılova yeni tədris ili üçün görülən hazırlıq işlərindən Azedu.az saytına danışıb.
“Universitetimiz yeni tədris ilinə hazırlıq prosesini tamamilə yekunlaşdırmaq üzrədir. Bu il hər növbədə 1200-ə yaxın tələbəni qəbul edə biləcək yeni tədris binasını istifadəyə verəcəyik. Həmçinin digər korpuslarımızda da əsaslı təmir işləri, demək olar, yekunlaşıb. Kommunal xidmətlər nəzərdən keçirilib, yaşıllaşdırma işləri davam etdirilir. 2019-cu ildə qızlar üçün istifadəyə verilmiş 153 nəfərlik yeni yataqxanamız bu il də tələbə qızları qəbul etməyə hazırdır. Gələcəkdə oğlanlar üçün də yeni yataqxananın istifadəyə verilməsi düşünülür”,- deyə o bildirib.
