Lənkəranlı gənc aranjimançı Məhəmməd Mirzəzadə Şövkət Ələkbərovanın “Getmə, getmə, gəl” mahnısı ilə Elli Duhenin “Middle of the Night” mahnısına etdiyi remiks Youtube platformasında 3 milyona yaxın baxış toplayıb. Bu haqda məlumatı Cenublu.az bu gün, 6 oktyabr tarixində verir.
Məhəmməd Mirzəzadə, həmçinin Şövkət Ələkbərovanın “Bahar sənsiz” Billi Aylişin “Lovely”, Samirə Efendinin “Qızlar mahnısı” ilə “İmagine Dragons”un “Believer”, Adelin “Skyfall” ilə Yaqub Zurufçunun “Ayrılıq” və s. mahnıları aranjiman edib.
Müsahibələrinin birində o bildirib ki, aranjiman etdiyi müğənnilərin bir çoxu onun işlərini bəyənib. Dünya ulduzu Elli Duhe aranjimana görə ona təşəkkürünü bildirib, Dua Lipa isə postunu “layk” edib.
