Lənkəran rayonunun Gərmətük qəsəbə tam orta məktəbi tədris üçün yararsız vəziyyətdədir. Bu haqda məlumatı Cenublu.az bu gün, 27 fevral tarixində verir.
Belə ki, təhsil ocağının döşəməsi çürüyüb, divarları dağılıb. Qapı və pəncərələr isə yararsız vəziyyətdədir. Məktəbin bufeti və idman zalından artıq istifadə etmək mümkün deyil.
Məsələ ilə bağlı Lənkəran-Astara Regional Təhsil İdarəsinə müraciət ünvanladıq. Qurumdan bildirildi ki, Lənkəran rayonu Gərmətük qəsəbə tam orta məktəbinin inzibati binası 1976-cı ildə istifadəyə verilib və sonradan təmir olunmayıb. Sözügedən məktəbin adı təmiri planlaşdırılan məktəblərin siyahısına salınıb. Qeyd edək ki, bu il üçün 80-ə yaxın təhsil müəssisəsində cari, 3 müəssisədə isə əsaslı təmirin aparılması nəzərdə tutulub. Həmçinin cari ildə 8-ə yaxın təhsil müəssisəsinin tikintisi planlaşdırılır ki, artıq onlardan 4-nün tikintisinə başlanılıb.
[URIS id=54634]
