Rauf Hüseynov Azərbaycan Minatəmizləmə Agentliyinin (ANAMA) aparat rəhbəri vəzifəsinə təyin edilib. Bu haqda məlumatı Cenublu.az bu gün, 27 fevral tarixində verir.
Rauf Qəhrəman oğlu Hüseynov 1982-ci ildə Lənkəran rayonunun Boladi kəndində anadan olub. 1999-cu ildə N.Axundov adına Lənkəran rayonu Boladi kənd 1 nömrəli tam orta məktəbini əla qiymətlərlə bitirərək yüksək nəticə ilə Azərbaycan Dövlət İqtisad Universitetinə qəbul olub.
Uzun müddət bank sektorunda rəhbər vəzifələrdə çalışıb. 2020-2023-cü illərdə dövlət şirkəti olan “Azərbaycan Sənaye Korporasiyası” ASC-də Müşahidə Şurası sədri ofisinin rəhbəri, 2023-cü ilin aprel ayından son təyinatadək “AzərTürkBank” ASC-də idarə heyəti sədrinin müşaviri olub.
