Lənkəranda şəhid Elsevər Qardaşzadənin doğum gününə həsr olunmuş "Şəhidlər bizim qürur yerimiz, fəxrimizdir" adlı tədbir keçirilib. Bu haqda məlumatı Cenublu.az bu gün, 23 fevral tarixində verir.
"Tariximiz qürurumuzdur" layihəsi çərçivəsində keçirilən görüş Heydər Əliyev Mərkəzində baş tutub. Tədbirə şəhid ailələrinin üzvləri, müharibə əlilləri,İcra Hakimiyyətinin rəsmiləri, şəhidin təhsil aldığı Lənkəran rayon M.M.Əbilov adına Şağlakücə kənd tam orta məktəbinin müəllim və şagirdləri, rayon ictimaiyyətinin nümayəndələri qatılıblar.
Öncə iştirakçılar üçün şəhid Elsevər Qardaşzadənin şəxsi əşyalarından və fotolarından ibarət sərgi təşkil olunub. Sonra mərkəzin direktoru Reyhanə Sadıxova mərkəzin rəsm studiyasında yağlı boya ilə çəkilmiş şəhidin portretini təqdim edib.
Daha sonra M.M.Əbilov adına Şağlakücə kənd tam orta məktəbi şagirdlərinin ifasında ədəbi-bədii kompozisiya və şəhidin həyat yolunu özündə əks etdirən videoçarx nümayiş olunub.
