Lənkəranda “Azərbaycanın Olimpiya Odisseyası” adlı layihə əsasında "İlk Qızıl" sənədli filminin nümayişi baş tutub. Bu haqda məlumatı Cenublu.az bu gün, 21 sentyabr tarixində Milli Olimpiya Komitəsinə (MOK) istinadən verir.
MOK-nın 30 illik yubileyi çərçivəsində təşkil olunan tədbirdə Lənkəran Şəhər İcra Hakimiyyəti Başçısının müavini Mikayıl Cəfərzadə, Azərbaycanın ilk Olimpiya çempionu Nazim Hüseynov, fəal gənc və yeniyetmələr iştirak ediblər.
Qeyd edək ki, layihənin əsas məqsədi Olimpiya çempionlarımızla gənclərimizin birbaşa ünsiyyətini təşkil edərək olimpiya dəyərlərinin təbliğ edilməsindən ibarətdir.
