Lənkəranda gənc nəsli maarifləndirmək məqsədilə tədbir keçirilib. Bu haqda bu gün, 9 mart tarixində Cenublu.az DİN-ə istinadən xəbər verir.
“Gənc nəsli narkomaniyadan qoruyaq!” devizi altında antinarkotik təbliğatı ilə keçirilən tədbir Lənkəran Şəhər Rayon Polis Şöbəsinin təşkilatçılığı ilə baş tutub. Görüş rayonun Qurumba kənd ümumi orta məktəbində keçirilib. Məktəblilər qarşısında çıxış edən Lənkəran ŞRPŞ-nin şəxsi heyətlə iş üzrə rəis köməkçisi, polis polkovnik-leytenantı Anar Həbibzadə narkomiyanın və erkən nikahların səbəb olduğu ağır nəticələrdən danışıb və bu neqativ halların cəmiyyətimizin sağlam gələcəyi üçün yarada biləcəyi təhlükələrdən söz açıb.
