Lənkəran ŞİH başçısı Taleh Qaraşov və onun birinci müavini Möhübbət Babayev Bakı şəhərində yerləşən Silahlı Qüvvələrin Baş Klinik Hospitalında Lənkəran rayonundan olan yaralı əsgərlərimizi ziyarət edib. Bu haqda məlumatı Cenublu.az bu gün, 19 sentyabr tarixində verir.
Rayon başçısı və müavini Ermənistanın törətdiyi genişmiqyaslı təxribatın qarşısı alınarkən yaralanan Lənkəran rayon sakinləri Afiq Şamil oğlu Həmidzadə və Pənah Sulduz oğlu Sadıxovla görüşərək onlarla söhbət edib, səhhətləri, reabilitasiya prosesi və qayğıları ilə maraqlanıb, tezliklə sağalaraq xidmət yerlərinə qayıtmalarını arzu ediblər.
