Lənkəranın girişində yerləşən “Samovar” abidəsinin müəllifi Marifə Əhmədova dünyasını dəyişib. Bu haqda məlumatı Cenublu.az bu gün, 17 sentyabr tarixində verir.
O, 69 yaşında dünyasını dəyişib. M.Əhmədova uzun müddətdir ki, ağır xəstəlikdən əziyyət çəkirdi.
Qeyd edək ki, Marifə Əhmədova Azərbaycan Memarlar İttifaqı İdarə Heyətinin üzvü olub. O, həmçinin Lənkəran rayon İcra Hakimiyyətinin Memarlıq və Tikinti Şöbəsinin baş mühəndisi, eləcə də şəhərin baş memarı vəzifəsində çalışıb.
