Lerikin Zuvand kəndi yaxınlığındakı “Baba ocağı” ziyarətgahından qayıdan Lənkəran sakinləri torpağa tapşırılıblar. Bu haqda məlumatı Cenublu.az bu gün, 5 sentyabr tarixində verir.
Qəzada vəfat edən sərnişinlərdən Xəlilova Dilarə İslam qızı sürücü Səyyad Səyyadovun baldızı olub. O, yaşadığı Göyşaban kəndində dəfn olunub. Sürücünün həyat yoldaşı Zəhra Səyyadovanın vəziyyəti isə ağır qiymətləndirilir. Bundan başqa, qəzada vəfat edən Təcrübə Ağayeva və Səmayə Rzayeva bacı olublar.
Xəstəxanaya yerləşdirilən 8 nəfərdən (7-si qadın, 1-i kişi olmaqla) ikisinin vəziyyəti ağır, digərlərinin vəziyyəti orta ağır qiymətləndirilir. Sürücü Səyyad Səyyadovun vəziyyəti stabilləşdiyindən o, palataya köçürülüb.
Qeyd edək ki, ilkin məlumata görə, qəzaya səbəb mikroavtobusun təhlükəsizlik standartlarına cavab verməməsi olub.
[caption id="attachment_22616" align="alignnone" width="336"]
metbuat.az[/caption]
