Lənkəranda "Atalar Məktəbi - Məsuliyyətli Atalığa Doğru" layihəsinin sonuncu sessiyası baş tutub. Bu haqda məlumatı Cenublu.az bu gün, 20 sentyabr tarixində Dünya TV-yə istinadən verir.
Avropa İttifaqının maliyyə dəstəyi ilə BMT-nin Əhali Fondu (UNFPA) və BMT-nin Qadınlar Agentliyinin (UN Women) həyata keçirdiyi “Atalar Məktəbi - Məsuliyyətli Atalığa Doğru” layihəsinin yekun sessiyası Heydər Əliyev Mərkəzində baş tutub.
Ümumilikdə iki ay davam etmiş layihə gənc ataları və ata olmağa hazırlaşan şəxsləri hədəfləyərək onları övladlarının inkişafı prosesində fəal iştiraka cəlb etməklə ailələrdə mövcud formalaşmış davranış normalarının və gender-əsaslı stereotiplərin dəyişdirilməsinə töhfə vermək məqsədi daşıyıb.
