Son 1 ay ərzində Lənkəran-Astara Regional Təhsil İdarəsinin tabeliyində fəaliyyət göstərən təhsil ocaqlarında 38 nəfər işə qəbul olunub. Bu haqda məlumatı Cenublu.az bu gün, 28 fevral tarixində verir.
Onlardan 3 nəfəri şəhid ailəsi üzvü, 4 nəfəri müharibə veteranı, 2 nəfəri müharibə veteranının ailə üzvü, 29 nəfəri isə aztəminatlı ailə üzvləridir.
23 yanvar 2024-cü ildə Lənkəran-Astara Regional Təhsil İdarəsi ilə Lənkəran-Astara Regional Məşğulluq filialı arasında Əməkdaşlıq Memorandumu imzalanıb. Memorandumun məqsədi texniki və yardımçı pedaqoji heyət vəzifələri üzrə işçilərin seçilməsi, onların rəsmiləşdirilməsi və öhdəliklərinin müəyyən edilməsi məsələlərini asanlaşdırmaqdan ibarətdir.
