Lənkəran-Astara Regional Təhsil İdarəsi mövcud vakansiyalar üzrə müsabiqə elan edib. Bu haqda məlumatı Cenublu.az bu gün, 6 oktyabr tarixində verir.
Təhsil İdarəsinin tabeliyində olan ümumi təhsil müəssisələrində: kitabxana müdiri, kitabxanaçı, uşaq birliyi təşkilatının rəhbəri, laborant və katibə-makinaçı vəzifələri üzrə sənəd qəbulu keçirilir. İşə qəbul olmaq istəyən şəxslər linkə daxil olaraq, qeydiyyatdan keçə bilərlər. Qeydiyyat prosesi 12 oktyabr saat 18:00-da başa çatacaq.
Qeyd edək ki, hər namizəd yalnız bir vakansiya üzrə müsabiqədə iştirak edə bilər. Nəzərinizə çatdırırıq ki, kitabxana müdiri vəzifəsi üzrə müvafiq təhsil və iş stajı tələbi qoyulduğu üçün yalnız “Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası”nda həmin vəzifələr üzrə qeyd olunan tələbləri ödəyən şəxslər müsabiqədə iştirak edə bilərlər.
