Bu gün dünyanın inkişaf etmiş bir çox ölkələrində dövlət tərəfindən aparılan mübarizələrdən biri də insan alveri ilə bağlıdır.
İnsan alveri birinə qarşı hədə-qorxu, şantaj və zor tətbiq etməklə həyata keçirilir. İnsan alveri ilə məşğul olan şəxslər külli miqdarda qazanc əldə edirlər. Bu alver zamanı qurbana çevrilənlər gizli şəkildə saxlanılır, daşınır və ya satılır. Qanunvericiliyə əsasən, məcburi əmək, cinsi istismar, köləlik, köləliyə bənzər adətlər və onlardan irəli gələn asılılıq vəziyyəti insan alveri halları hesab edilir.
Son zamanlar daha çox insan orqanlarının və toxumalarının qanunsuz transplantasiyası, şəxs üzərində qanunsuz biotibbi tədqiqatların aparılması, qadının surroqat ana kimi istifadə edilməsi insan alveri halları kimi qeyd edilir.
Elə ölkəmizdə də bu istiqamətdə DİN-in İnsan Alverinə Qarşı Mübarizə Baş İdarəsi tərəfindən axtarışlar aparılır. İnsan alverində iştirakı səbəbi ilə hazırda axtarışda olan 13 nəfərdən 5-i cənub bölgəsindəndir.
Cenublu.az insan alverində iştirak edən cənubdan olan qadınların siyahısı təqdim edir:
Gülnarə Vladimir qızı Məmmədova – 1979-cu ildə Lənkəran şəhərində anadan olub. Barəsində Azərbaycan Respublikası Cinayət Məcəlləsinin insan alveri maddəsi ilə 2022-ci ildə axtarış elan edilib.
Azadə Eynəli qızı İsayeva – 1964-cü ildə Lənkəran rayonunda anadan olub. Bakı şəhər sakinidir. Barəsində Azərbaycan Respublikası Cinayət Məcəlləsinin insan alveri maddəsi ilə 2020-ci ildə axtarış elan edilib.
Sevda Həsən qızı Həsənova – 1968-ci ildə Lənkəran şəhərində anadan olub. Bakı şəhər sakinidir. Barəsində Azərbaycan Respublikası Cinayət Məcəlləsinin insan alveri maddəsi ilə 2015-ci ildə axtarış elan edilib, həbs qətimkan tədbiri seçilib. İnterpol kanalları ilə beynəlxalq axtarışdadır.
Gülxanım Xudam qızı Məmmədova – 1964-cü ildə Cəlilabad rayonunda anadan olub. Cəlilabad rayon sakinidir. Barəsində Azərbaycan Respublikası Cinayət Məcəlləsinin insan alveri maddəsi ilə 2008-ci ildə axtarış elan edilib, həbs qətimkan tədbiri seçilib. İnterpol kanalları ilə beynəlxalq axtarışdadır.
Vüsalə Raqib qızı Şiriyeva – 1981-ci ildə Astara rayonunda anadan olub. Astara rayon sakinidir. Barəsində Azərbaycan Respublikası Cinayət Məcəlləsinin insan alveri maddəsi ilə 2024-cü ildə axtarış elan edilib.
Fidan İlqar
