Lerik rayonundakı Babagil (Bobogil) ocağının ətrafının zibillənməsi ilə əlaqədar bu gün, 23 avqust tarixində izləyicimiz Cenublu.az-a müraciət ünvanlayıb.
“Bura Babagil (Bobogil) ocağının aşağı hissəsidir. İnsanlar, adətən, bura piknik təşkil etmək üçün gəlirlər. Biz də ailəvi olaraq sərin yer tapıb, orada dincəlməyə qərar verdik. Lakin gördüyümüz mənzərə bizi hiddətləndirdi. Ətraf zibillik içində idi. Bilmirsiz ki, atılan hər bir plastik tullantı təbiətdə yüz illər ərzində parçalanmır?! Tullantılar ətraf mühiti çirkləndirir, torpağın dərin qatlarına keçərək bitkilərin normal inkişafını ləngidir. İnsan da təbiətə bu cür düşməncəsinə rəftar edər?! Demək olar ki, hamı ora avtomobillə gəlir. Tullantıları bir torbaya yığıb yaxın zibil qutusuna atmaq o qədər də çətin deyil. Unutmayın, biz təbiətimizi tək özümüz üçün yox, həm də övlad, nəvə və nəticələrimiz üçün qorumalıyıq”, - müraciətdə deyilir.
https://cenublu.az/storage/photos/2023/08/1.mp4
