Cəlilabad rayonunda yol-nəqliyyat hadisəsi baş verib.
Cenublu.az -ın məlumatına görə, hadisə yeni Ələt–Astara magistral yolunun 100-cü kilometrliyində, Cəlilabad rayonu ərazisindən keçən hissədə qeydə alınıb.
Hərəkətdə olan "Mercedes" markalı avtomobilin sürücüsü yolun buz bağlaması səbəbindən idarəetməni itirib. Nəticədə nəqliyyat vasitəsi sürüşərək yol kənarına aşıb.
İlkin məlumata əsasən, qəza zamanı avtomobildə olan iki nəfər müxtəlif dərəcəli bədən xəsarətləri alıb. Yaralılar Cəlilabad Mərkəzi Rayon Xəstəxanasına hospitalizasiya olunub, vəziyyətlərinin ağır olduğu bildirilir.
Faktla bağlı araşdırma aparılır.
