Ümummilli lider Heydər Əliyevin anadan olmasının 100 illik yubileyinə həsr olunmuş respublika müsabiqəsinə yollanacaq cənub zonasından olan iştirakçının adı bəlli olub. Bu haqda bu gün, 8 mart tarixində Cenublu.az Cəlilabad Dövlət Peşə Təhsil Mərkəzinə istinadən xəbər verir.
Lənkəran, Biləsuvar, Cəlilabad, Masallı, Lerik, Yardımlı, Astara, Cəbrayıl peşə və orta ixtisas təhsili müəssisələri üzrə Lənkəran Humanitar Kollecində Elm və Təhsil Nazirliyi sistemində fəaliyyət göstərən peşə və orta ixtisas təhsili müəssisələrinin tələbələri arasında müstəqil Azərbaycan dövlətinin qurucusu, ümummilli lider Heydər Əliyevin anadan olmasının 100 illik yubileyinə həsr olunmuş “Sən elə bir zirvəsən” adlı respublika ifa müsabiqəsinin Lənkəran şəhərində Zona turuna yekun vurulub. Zona müsabiqəsində Cəlilabad DPTM-də keçirilmiş I turda iki nominasiya üzrə qalib olmuş tələbələrimiz iştirak ediblər.
Müsabiqədə ümummilli liderə həsr olunmuş və vətənpərvərlik mövzusunda yazılmış şeir nominasiyası üzrə I yerə mərkəzin “bərbər, vizajist, manikürçü” ixtisası üzrə qrupun tələbəsi Abıyeva Fidan Asif qızı layiq görülərək respublika turuna vəsiqə qazanıb.
