Dövlət Sərhəd Xidmətinin Xüsusi Məktəbində “Sərhəd” hərbi idman oyunlarının başa çatması münasibətilə təntənəli tədbir keçirilib. Bu haqda məlumatı Cenublu.az bu gün, 3 may tarixində verir.
Azərbaycan Sərhəd Mühafizəsinin 105-ci ildönümünə həsr olunmuş və ümumilikdə üç mərhələdə keçirilmiş yarışlarda 38 rayondan 187 məktəbin 875 şagirdi iştirak edib.
Komandalar "Sərhəd pozucusunun yaхalanması və onun təхliyə edilməsi", "Ləpirçilik", "Sərhəd naryadı tərəfindən nəqliyyat vasitəsinə baхışın keçirilməsi", "Maskalanma", "Yaralanmış sərhəd naryadına ilkin tibbi yardımın göstərilməsi və onun təхliyə olunması", "Avtomatın sökülməsi və yığılması", "Tüfəngdən hədəfə atəş açmaq" və "Sıra hazırlığı" üzrə öz bilik və bacarıqlarını nümayiş еtdirib.
Gərgin mübarizənin sonunda “Ləkin” (Cəlilabad), “Zeyxur” (Qusar) və “Ümid” (Naxçıvan MR, Ordubad rayonu) komandaları ilk üçlükdə qərarlaşıb.
Sonda qaliblərə kubok, medal, diplom və qiymətli mükafatlar, oyunlarda fəal iştirak etmiş komandalara isə həvəsləndirici hədiyyələr təqdim edilib, xatirə fotoşəkilləri çəkdirilib.
