Cəlilabadda həmkəndlisinə ov tüfəngi ilə xəsarət yetirən şəxs saxlanılıb. Bu haqda məlumatı Cenublu.az bu gün, 6 aprel tarixində verir.
Aprelin 5-də saat 23:50 radələrində Cəlilabad rayonunun Mikayıllı kənd sakini C.Abdiyevin hər iki ayaq nahiyəsinin aşağı ətraflarından odlu silahdan açılan atəş nəticəsində xəsarət alması barədə Rayon Polis Şöbəsinə məlumat daxil olub.
Daxili İşlər Nazirliyinin Mətbuat Xidmətinin Lənkəran regional qrupundan verilən məlumata görə, polis əməkdaşlarının keçirdikləri tədbirlərlə C.Abdiyevə ov tüfəngi ilə xəsarət yetirməkdə şübhəli bilinən həmkəndlisi M.Abdullayev müəyyən edilərək saxlanılıb. Ondan cinayətdə istifadə etdiyi ov tüfəngi aşkarlanaraq götürülüb.
Faktla bağlı araşdırmalar aparılır.
***
Cəlilabadda güllələnmə hadisəsi olub. Bu haqda məlumatı Cenublu.az bu gün, 6 aprel tarixində verir.
Hadisə Cəfərli kəndində baş verib. Güllələnmə nəticəsində xəsarət alan şəxs hazırda Cəlilabad Rayon Mərkəzi Xəstəxanasında əməliyyat olunur.
Onun şəxsiyyəti və hadisənin təfərrüatları dəqiqləşdirilir.
