Cəlilabad rayonunun Soyuqbulaq kəndində zəbt edilmiş torpaqlarla bağlı monitorinq keçirilib. Bu haqda məlumatı Cenublu.az bu gün, 22 sentyabr tarixində Cəlilabad rayon İcra Hakimiyyətinə istinadən verir.
Belə ki, RİH başçısının müavini Nazim Şükürov, rayon polis şöbəsinin əməkdaşları və digər səlahiyyətli şəxslər tərəfindən Ağdaş kənd inzibati ərazi dairəsi üzrə nümayəndəliyin ərazisinə aid olan Soyuqbulaq kəndində Seyfəddin Qurbanəli oğlu Məmmədov tərəfindən bələdiyyə torpaqlarından zəbt olunmuş 3,70 hektar torpaq sahəsi və gölün ərazisi geri qaytarılıb.
Qeyd edək ki, qanunsuz olaraq istifadə edilən torpaq sahələrinin yenidən icarə müqaviləsi əsasında şəhid ailələrinə, qazilərə, müharibə iştirakçılarına və digər şəxslərə verilməsi nəzərdə tutulub.
