Cəlilabad rayonunda “Ailə dəyərlərimizi qoruyaq” mövzusunda dəyirmi masa baş tutub. Bu haqda məlumatı Cenublu.az bu gün, 22 dekabr tarixində verir.
Tədbir Heydər Əliyev adına Yaradıcılıq Mərkəzində təşkil edilib. Burada rayonun gənclər və idman sektorunun əməkdaşı, Mərkəzi Kitabxana Sisteminin direktoru və əməkdaşları, Tibb Kollecinin bir qrup tələbələri olmaqla 25 nəfər iştirak edib. Çıxış edən qonaqlar ailə dəyərləri haqda diskussiyalar aparıblar.
Sonda gəncləri maraqlandıran suallar ətraflı cavablandırılıb.
Qeyd edək ki, görüş Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun, Lənkəran-Astara Regional Mədəniyyət İdarəsinin Cəlilabad rayon Mərkəzi Kitabxana Sisteminin birgə təşkilatçılığı ilə həyata keçirilib.
