Cəlilabadda şəhid ailələri ziyarət olunub. Bu haqda məlumatı Cenublu.az bu gün, 28 noyabr tarixində Masallı Regional Mədəniyyət İdarəsinə istinadən verir.
Masallı Regional Mədəniyyət İdarəsinin Cəlilabad rayonu üzrə nümayəndəsi Elnur Atakişiyev, Mədəniyyət Mərkəzinin direktoru Ramil İbrahimov, Astanlı kənd Mədəniyyət Evinin, Soltanlı kənd klubunun əməkdaşları və Cəngan kənd ərazi nümayəndəsinin müavini Qadir Ağayev Soltankənddə şəhid Əzizov İbrahim Şaməddin oğlunun, Fərəcullalı kəndində isə şəhid Hüseynli Ədalət Səadət oğlunun ailələrini ziyarət ediblər.
Ziyarət zamanı mədəniyyət nümayəndələri şəhidin ailə üzvləri ilə görüşərək onlara ehtiramlarını ifadə ediblər. Həmçinin ziyarət zamanı şəhidin ailəsinə sovqat təqdim olunub.
Sonra şəhidlərin ev-muzeyləri, həmçinin şəhid Ədalət Hüseynlinin məzarı ziyarət olunub və xatirə şəkilləri çəkilib.
