Cəlilabadda RİH-nin başçısı Rafiq Cəlilov şəhid ailələrinə baş çəkib. Bu haqda məlumatı Cenublu.az bu gün, 28 fevral tarixində verir.
Ziyarət mərasiminə, həmçinin aparatın Vətən müharibəsi iştirakçıları, şəhid ailələri ilə işin təşkili şöbəsinin müdiri Fizuli Cəfərov, Səfərbərlik və Hərbi Xidmətə Çağırış üzrə Dövlət Xidmətinin Cəlilabad rayon Şöbəsinin rəisi Arif Həsənov cəlb olunublar.
Rayon rəhbəri şəhid ailələrinə qayğı və problemlərinin həllinin qarşıda duran ən mühüm vəzifələrdən olduğunu vurğulayıb, mövcud problemləri müzakirə edib.
Şəhid ailələri şəhid övladları ilə bağlı xatirələrini qonaqlarla bölüşüblər. Onlar İlham Əliyevə və Birinci vitse-prezident Mehriban Əliyevaya öz minnətdarlıqlarını bildiriblər.
