Cəlilabad rayonunda orta əsrlər dövrünə aid edilən dulusçuluq məmulatları aşkar olunub. Bu haqda məlumatı Cenublu.az bu gün, 10 mart tarixində Report.az-a istinadən verir.
Məmulatlar Uzuntəpə kəndi ərazisindən çay ayağı adlanan ərazidə əkin işləri zamanı üzə çıxıb. Yerli tarixçi Vüqar Adıgözəlovun sözlərinə görə, tapıntılara əsasən, bu məmulatlar 8-14-cü əsrlərə, yəni orta əsrlər dövrünə aiddir.
Qeyd edək ki, tapıntılar Cəlilabad rayon Tarix-Diyarşünaslıq Muzeyinə təhvil veriləcək.
